لكل بنت عايزة تتجوز

انا كنت عايزة احكيلكو حاجة حصلت هنا فى المنتدى عشان كل بنت تاخد بالها
من كام يوم لقيت عضوة اسمها اسكندرية المحروسة كاتبة عن اخوها م أ اسكندرية
ولقيت مواصفاته مناسبة مع بنت خالى فبعتلها على الخاص وقلتلها على المواصفات وقعدت تستفسر عن كلللللل حاجة عن البنت وقالتلى ان اخوها موافق وكل حاجة وقلتلى اتصلى ببنت خالك واعرضى عليها الموضوع
فاكدت عليها قوى وقولتلها انا مش عايزة اقولها اىىى حاجة الا لما يكون كل حاجة تمام فطمنتنى قوى وقلتلى توكلى على الله
افتكرتها انسانة جادة وفعلا كلمت بنت خالى وقلتلها مواصفات الولد وقالت لاهلها واهلها وافقو وكل حاجة ومبقاش فاضل غير اننا نتفق على المعاد ولقيت اخت العريس دى بتقولى
اخويا عايز ياخد ايميلها ويكلمها على النت الاول عشان يعرف شخصيتها 
وطبعا قولتلها لا وان مينفعش تكلم ولد متعرفوش والكلام ده كله 
الخلاصة بقى انى عايزة احذر كل بنت من الحكاية دى متخلليش حد يقنعك انه عشان العريس يجى يتقدم لازم يكلمك ويعرفك الاول
الخطوة الاولى فى اى موضوع ناجح هو الرؤية الشرعية عشان تبدأى صح وربنا يباركلك 
معلش انا طولت عليكو بس لقيت ان من واجبى انى اعرف البنات ان فى نوعية من الناس بتدعى انها بتدور على عروسة عشان عايزة تتسلى ومش هتبقى اكتر من اسم يضاف على اسماء البنات اللى على ايميله