الاسس الناجحه لاختيار شريك الحياه

الاسس الناجحه لاختيار شريك الحياه
كتير مننا بيعتمد على اساليب روتينيه فى اختيار شريك الحياه ..
منها الحب من اول نظره ...
او لما نتقابل فى الكنيسه ...
او هستنى وربنا يبعت نصيبى ..
اول لما اقابل نصى التانى البرق والرعد هيشتغلوا
فى السما وتنزل ملايكه تعزفلنا
رغم ان مفيش حاجة اسمها قضاء وقدر ...
وعوامل كتير كلنا وقعنا فيها واكتشفنا انها غلط .. فى اختيار شريك الحياه ...
طيب الغلط وكلنا عارفينه وعملناه ... وفى مننا بيدفع تمنه دلوقتى فى زيجات
غير سعيده .. وفى مننا اكتشفوا دة بدرى .. وفشكلوا الخطوبه ...
اذاً ماهى الاسس الصحيحه لأختيار شريك الحياه ..
بناءً على دراسات علميه وروحيه .. واستناداً على الكتاب المقدس ...؟؟
هو دة موضوعنا انهارده ...
مفهـــــــــــــوم الزواج
طبعا معظمنا لم يسبق له الزواج .. وبالتالى منعرفش ايه هو المفهوم الصحيح
عن الزواج ... وحتى القله اللى اتجوزت قبل كدة ... لسبب او اخر ...
هتدخل فى زيجه مره تانيه .... بردو مش عارفين ايه هو المفهوم الصحيح
للجواز ... لانهم غالباً عاشوه غلط فى المره الاولى طيب ايه هو مفهوم الزواج .... ياترى الجواز هو ما الا اخذ ... 
ماهو الا اشباع للرغبه الجنسيه المكبوته سنين طويله فاتت تحت مسمى "العيب"
خدعوك فقالو ... ان الزواج يحقق السعاده ...
خدعه ضحكوا علينا سنين بيها .. والدليل ان ابائنا وجيراننا
معظمهم مش سعيد هناك قله قليله سعيده ولكن الغالبيه العظمى
غارقه فى تعاسه لا تحتمل ...
فالزواج فى حد ذاته لا يحقق السعاده ...
ممكن انت تزرع السعاده داخل العلاقه الزوجيه ..
انما من تلقاء نفسها .... لا
السعاده فى الجواز بتتحقق من خلال شرطين : 
1- انى اختار صح .... 
2- انى احيا حياة سليمه مع الطرف التانى
مفهوم الزواج :
هو نظام الهى ... أسسه الرب ... اول زيجه فى البشريه ...
من اقامها هو الرب ... "تك2"
هناك من ينظر لان الزواج هو اقل قداسة من عدم الزواج ..
ولكن هذه ليست حقيقه فالزواج هو علاقه مقدسه ..
وقد شبهها الرب بعلاقته مع الكنيسه "اف5"
الزواج هو دنيا جديده .... ما بين قبل الزواج وبعد خط احمر فاصل ...
دايماً بنلاقى اللى بيتجوز بيقولوا انه دخل دنيا ... ودى حقيقه
اذاً ايه الفرق ما بين دنيا قبل الزواج single mind , وبعد الزواج :
1- انتقال من عالم الفرديه لعالم المشاركه العميقه
قبل الجواز ... انت حر ... عايز تشتغل ... عايز تخرج ...
زهقت هتقدم اجازه وتطلع فى رحله .... كل اللى بتعمله لا يؤثر غير عليك ....
طبعاً الاباء متوفرين والاصدقاء ...
لكن اعمالك لا تؤثر غير عليك .. انما بعد الجواز ...
انســـــــــى حريتك ... انت مش حر ...
انت فى شخص مسك فيك لأخر العمر .... وبعد فتره هاييجى اطفال
اى قرار هتاخده هيؤثر عليك وعلى الاسره بكاملها ....
يعنى اللى هيتجوز ...
يحط فى دماغه انه هيودع حريته الى الابد الى الابد الى الابد .....
مفيش حاجة اسمها خصوصيه ... سريرك مشترك ...طبقك ...
اكلك .. قراراتك ... حتى باب الـ ........ مش هتقدر تقفله على نفسك .....
والمشكله ان فى ناس يتتجوز وبتحتفظ بالـ single mind ... مما يسبب كارثه
انتقال من عالم الاخذ الى العطاء
قبل الزواج فى مجتمعنا الشرقى بنفضل عايشين مع ابائنا لحد ما نتجوز ..
مش زى الغرب .. بعد سن معين بنعيش لوحدنا ..
وطول مانت فى بيت والديك ..
انت مسئول عن مين ..... ولا حد .. !!!
انت حتى مش مسئول عن نفسك ...هما بيأكلوك ويرتبوا هدومك
واحنا بس بنذاكر وننجح ...
اتجوزت ..........
كل واحد فاكر انه بعد ما تجوز انا بابا وماما كانوا بيهتموا بيا
انا واخواتى الـ 17 .... بس دلوقتى واحد بس او واحده
بس هتهتم بيا ماهى ماما وبابا وانور وجدى ....
وطبعاً دى خدعه تانى
لان بعد الجواز انت بتتنقل فجأه الى عالم انت مسئول فيه عن
العطاء وليس الاخذ .. مسئول تسعد الاخر .. انما محدش مسئول عن سعادتك ..
تحولت من الابن للأب .. من شخص بياخد اكتر ما بيعطى ..
لشخص بيعطى وبـــــس ..
طبعا هتستغربوا .. ازاى انا هدى اكتر واحنا اتنين .. المفروض ندى اد بعض ..
طبعاً لا .. لان بعد كام شهر بيبقى فى اطفال ودول مش بيدوا
حاجة غير من فوق وتحت ......
يعنى انت .. انت مسئول عن شريكتك تفرحها وتسعدها
وانتى .. مسئوله عنه... سعادته مسئوليتك ... وراحته مسئوليتك
وبعد كدة بتتسألوا عن اطفال لا حول لهم ولا قوه انتوا كل ما لهم
واللى مش هيعرف يتحمل المسئوليه .....
ميتجوزش
3 – وكـــــــاله ..امانه :
الزواج ارض ... خصبه جداً ... اذا حرثتها وراعيتها هتطرح اجود انواع الثمار ... وهتبقى جنه ... فالزواج هو تعبير عن مبدأ الزرع والحصاد .. ربنا بيأمنك على بيت ... على home ...
والبيت مش حجار انما بشر والاسره ناس ... البيت دة تقدر تخليه جنه وتقدر تخليه خرابه ... واللى هيحصل فيه .. انت اللى عملته .. وهتعطى حساب عليه .. لانها وكاله ...
ربنا هيسألك .. انا اديتك امانه ... عملت فيها ايه
زوجتك .. بقت اسعد انسانه ولا اتعس انسانه
زوجك .. خليتيه افضل رجل ممكن يكون منه .. خليته انسان سعيد .. ولا دمرتيه
اولادتكم ... ربيتوهم وبقوا اسوياء .. ولا دمرتوا حياتهم ...
مسئوليتك انت .. ومسئوليتك انتِ .. انكم تخلوا بيتكم كنيسه وجنه ..
اوانكم تدمروه وتخربوا حياة اسره ملهاش ذنب اللى هما اطفالكم

بأُسْلــوْبِيْ .. بابْتِسَآآمَتِــيْ .. بِ هُدوْئــيْ ~
أجْعَلُ مَــنْ يُخْطِئُ بِ حَقّيْ "
يَكْرَهُ وُجودَهُ في الحَيــآآةْ