كنت فى مرة واقف بصلى قدام صورة يسوع

كنت فى مرة واقف بصلى قدام صورة يسوع

واقوله نفسي تكلمنى وترد عليا بصوت مسموع
قاللى دة انا نفسي اكلمك يابنى عاوزك ف موضوع
قولتله مالك يا ابويا ومسحت من عنيه شويه دموع

قاللى يرضيك يا بنى اللى انتوا بتعملوة فيا
الجروح ماليه جسمى ومسامير ف ايديا ورجليا
دة انتم زمان صلبتونى على الصليب بكل وحشيه
بس دة كان لازم وقتها عشان خلاص البشريه

طيب ليه بقي لحد دلوقتى لسة بتعذبونى
دة محبتى ليكم قويه بس انتوا دايما بتسيبونى
دايما قلبكم قاسي عليا و بخطاياكم بتجرحونى
انا عاوزكم زى ما انا بحبكم انتوا برضة تحبونى

بس عاوزك يابنى تكلم الانسان وتبلغه منى رساله
قوله زى ما انا اله الحنان والمحبه انا برضه اله العداله
انا زى ما بحبكم جدا وانتوا ولادى وليكم عندى داله
انا برضه هحكم بالعدل ومش هفرط فى حقي استحاله

هحاسبكم ياترى عملتوا بدمى وجراحاتى واكليل الشوك
وهحاسبكم على كل اهانتكم ليا وانا الاله ملك الملوك
قول للانسان توب بسرعةوارجع تانى اتمتع بمحبه ابوك
قبل ما يحكم عليك بالعدل و يطالبك بحق دمه المسفوك