هام جدآ لكل شاب خاطب

1--ياحبيبى يانور عينى وغلاوة الحاجة عندك ياريت لما تيجى تزورنا فى البيت تبقى تدخلنا وفى ايدك كيس فاكهة موش لاننا بنتوحم ع الفاكهة لا سمح اللة ههههههههههههههههه ولكن عشان منظرك قدام اهلى
ماتبقاش داخل طالع اكل شارب خدمة خمس نجوم كدة متحسسهمش انك خاطبنى عشان اقامة فى فندق ابويا
وانا موش بطالب بكتير كيس فاكهة محترم كدة 4 كيلو دة تمام قوووووى يامعلم
ولو انت موش اد تمنة يبقى خليك ضيف خفيف وبلاش شغل السفلقة دة
2—ساعات كتييييييييير بيبقى نفسى فى حاجات يمكن تكون صغيرة بالنسبة لك لكن بالنسبة لى كبيييييييييييرة قوى هتقولى وانا اعرفها ازاى دى ؟؟؟ هقولك ممكن تسال اختك لو مخطوبة او اى حد قريب منك يكون مخطوبة ولا خاطب قولهم اية اكتر حاجة بيعملهالك خطيبك بتبسطك او انت بتعمل اية لخطيبتك بتفرحها ؟؟؟؟؟؟؟
وانا من هنا هقولكم اية ممكن يبسطنى ويوصل لاهلاى رسالة انك كريم وكويس معايا موش حارمنى من حاجة
لو عرفت ان رصيدها خلص اشحنلها انشاللة بخمسة جنية دة هيديها احساس انك مهتم بااقل حاجة عندهاوانك موش هتسيبها محتاجة حاجة
لو عرفت انها كانت شغالة وبطلت حاول من وقت للتانى اديها مصروف لانها ببساطة اتعودت على دخل معين وانها تجيب اى حاجة فى نفسها
عيدية كل عيييييييييييييد ولبس العيد دى مهمة جدااااا لانك كدة بتكمل مسيرة باباها بتديها احساس الامان وانك زى باباها
وياسلام بقى لو معزوم عندهم وبعد الاكل قومت ساعدتها فى شيل الاطباق حاجة بسيطة جدااااااا لكن هتطمنها بانك كدة لما تشوفها تعبانة فى شغل البيت هتساعدها ولو بحاجة صغيرة وللعلم دة ميقللش من رجولتك بالعكس دة يزيد منها فى نظرى ع الاقل
يااااااااااريت كمان لما تبقى ماشى معاها فى الشارع تخليها هى من جوة وانت من برة ناحية الشارع
ودة طبعا بيدينا احساس بكذا حاجة انك خايف عليها وانك بتحميها وطبعااااااا منعا لانك تحط نفسك فى موقف بايخ مثلا على فرض وانتوا ماشين وهى من برة وجة عيل زبالة مد ايدة عليها وجرى وكان بعجلة هتعمل ايييييييية ؟؟؟؟؟ هتسيبها فى الشارع لوحدها وتجرى ورا ابو عجلة ؟؟؟؟ ولا هتسكت والحلين انيل من بعض بصراحة فبليييييييييز ياحبيبى انت وهو خدوا بالكم من ااقل حاجة
3—ممكن لو شايف مامتك او اختك او اى حد عندك فى البيت موش طايقها تحاول تقربهم من بعض مثلا قول للبيت عندك خطيبتى فلانة بتسلم عليكى وبتسال عاملة اية او هات هدية واديها لمامتك وقولها خطيبتى بعتاهالك او وانت بتكلم خطيبتك كدة فى اوضة على جنب قولها دى ماما كانت بسال عليكى قبل ماكلمك وخدى كلميها وسيب الموبايل فى الاوضة وروح جرى قول لمامتك دى فلانة اتصلت عايزة تسلم عليكى كدة يعنى خليك حمامة سلام بينهم
4--ممكن كمان لا تبقى جرىء بزيادة تطلب منها طلبات سخيفة موش من حقك تطلبها دلوقتى ولا خجول بزيادة تتكسف تمسك ايدها لو طالعة معاك حماتك ولا اى حد من قرايبكم
5—ممكن تبقى تطمن عليا لما تعرف انى برة البيت ولا متدايقة ولا ولا
6—ممكن تبقى تشكر فيا وترفع من شانى وانا معاك وانا بعيد عنك عارف لو موش عشانى صدقنى هيبقى بردة ليك لانك ببساطة انت كدة بترفع من شانك قدام الناس بانك راجل محترم
7—ممكن تشاركنى كل حاجة فى حياتك اختيار لبسك اختيار عفش بيتنا تشاركنى افراحك واحزانك اة احزانك ممكن لما تبقى متدايق تيجى تحكى معايا انا شريكة حياتك ان ماكنتش اقف جنبك واسمعك وقت حزنك هقف جنبك امتى
واخيرااااااااا سامحونى لو طولت عليكم وزودت من اعبائكم بس انا عملت كدة عشان لازم نفهم بعض ونعرف نرضى بعض ونسعد بعض وياااااااااااريت لو الاولاد عندهم تعليق علينا احنا البنات كمان يقولولنا